Эхний өдөр үдээс хойш 15:00 цагт бүртгүүлээд оройн хоолны дараа зочид одтой тэнгэрийн дор шаржигнах ил галын дэргэд цугларч дулаан нөмрөх зүйлээ нөмрөнгөө дарс шимэн мартагдашгүй үдшийг хайртай дотнын хүмүүстэйгээ өнгөрүүлж байгалийн сайхныг мэдрэх болно. Энэ үйл ажиллагаа нь цаг агаараас хамааралтай бөгөөд дарсны үнэ нь үйлчилгээний төлбөрт багтаагүй гэдгийг анхаарна уу.

Байгалийн сайханд төрөл бүрийн бэлчээрийн малын шарсан мах, хүнсний ногоогоор амталсан шорлог идсэний дараа нь нуурын эрэгт байрлах саунд орж, нуурыг харангаа алжаалаа тайлж, амар амгаланг мэдрэх боломжтойгоос гадна нуурын хүйтэн усанд орсноор: мэдрэлийн систем болон дархлаанд маш сайнаас гадна эрдэс бодисоор хангах, бодисын солилцоог эрчимжүүлэн, дотоод эрхтэн системийн хэвийн үйл ажиллагааг хангах эерэг нөлөөтэй юм.

Та хүйтэн шар айраг эсвэл гүүний айраг уух боломжтой (шар айраг, айргийн үнэ нь үйлчилгээний төлбөрт багтаагүй гэдгийг анхаарна уу).

Хүслийн арал руу 3 цагийн явган аялал хийн очих ба энэхүү арал нь таны мөрөөдлийг биелүүлэх нууцлаг хүч чадалтай гэгддэг. Явган аялал хийх нь байгалийн тогтцыг илүү мэдрэх боломжийг олгох бөгөөд замын дундаа хооллох, амрах, нутгийн үүх түүхүүдийг сонсох боломжтой. Хүслийн хаднаас буцахдаа завиар амралтын газар луугаа буцах боломжтой.

Энэ өдөр монгол малчин ахуйтай танилцах учир малчин айлд очиж үнээ, сарлагийн сүү саах, сүүн бүтээгдэхүүн хийх аргуудтай танилцан мал аж ахуйн талаар дэлгэрэнгүй мэдэх боломжтой. Монгол үндэстний нэгэн соёлын том онцлог болох морин уралдаан үзэх боломжтой. Морин уралдаанд 3-6 насны хүүхдүүд унаж уралддагаараа онцлогтой. Уналгад бэлтгэсэн морь унах боломжтой. Сургаж дадлагажуулсан учир анх удаа унаж байгаа тохиолдолд ч аюулгүй байдал сайн хангагдсан байна.

30 минутаар каяак завиар аялан нуурын дунд байрлах “Хүй Толгой ” арал руу очно. Арал дээр очсоноор цэнгэг нуурын дунд өдөр тутмын амьдрал, асуудлуудаас холдон өдрийн хоолоо идэх нь танд илүү шинэлэг мэдрэмжийг өгнө гэдэгт итгэлтэй байна. Оройн хоолны цагаас өмнө амралтын газартаа буцаж очно.

Хөвсгөл далайн эрэгт өнгөрөөх сүүлийн өдөр Хатгал сумын дэлгүүрээр зочилж нутгийн хүнсний брэнд бүтээгдэхүүнүүд болох хөвсгөлийн цагаан загас, утсан загасны мах, бяслаг зэрэг болон бэлэг дурсгалын зүйлсийг худалдан авах боломжтой. Ийнхүү худалдан авалт хийсний дараа Мөрөн хотын нисэх онгоцны буудал руу явна.

(*Дээрх хөтөлбөр нь цаг агаарын нөхцөл байдал, үйлчилгээний хүртээмж зэрэг хүчин зүйлээс хамаарах болохыг анхаарна уу. Бид таны хүссэн хөтөлбөрийг хангахын тулд чадах бүхнээ хийх болно. Мөн үйл ажиллагааг буцаан олгохгүйгээр цуцлагдаж, өөрчлөгдөж болохыг анхаарна уу.)